Астана қаласы бойынша Сыбайлас жемқорлыққа қарсы іс-қимыл агенттігінің департаментінде жұмыс кеңесі өтті

Business consulting

4 недели назад

Жемқорлыққа қарсы жұмыс / 22 мая 2025

Астана қаласы бойынша Сыбайлас жемқорлыққа қарсы іс-қимыл агенттігінің департаментінде КММ «Мемлекеттік спорттық тапсырысты іске асыру дирекциясы» өкілдерінің қатысуымен жұмыс кеңесі өтті.

Кеңес барысында мемлекеттік спорттық тапсырысты іске асырудың ашықтығы мен тиімділігін арттыру мәселелері талқыланды. Мониторинг бөлімінің атқарған жұмысы туралы есеп ұсынылып, көрсетілетін қызметтердің сапасын бақылау бағытындағы шаралар қарастырылды.

Сонымен қатар, ҚР Президентінің көмекшісі Дүйсенова Тамара Босымбекқызының пилоттық жобаны іске қосу туралы тапсырмасы аясындағы мәселелерге ерекше назар аударылды. Аталған жоба мемлекеттік бағдарламалар шеңберінде мониторинг жүйесін жетілдіру мен ашықтықты арттыруға бағытталған.

Кеңес қорытындысы бойынша бірлескен бастамаларды іске асыру және өзара іс-қимылды жалғастыру жөнінде уағдаластыққа қол жеткізілді.

🤝 Ашық диалог пен ведомствоаралық ынтымақтастық — тиімді басқару мен сыбайлас жемқорлық тәуекелдерінің алдын алудың негізі.

+7 706 648 4070
+7 (7172) 64-20-53